Boeing-ის აღმასრულებელმა დირექტორმა დევიდ კალჰუნმა თქვა, რომ Boeing-ის წინა მენეჯმენტი არ უნდა დათანხმებულიყო აშშ-ს ყოფილი პრეზიდენტის დონალდ ტრამპის პირობებზე, როდესაც მხარეები ახალი საპრეზიდენტო თვითმფრინავის Air Force One-ის აშენებაზე შეთანხმდნენ. კომპანიამ დღეს განაცხადა, რომ ამ გარიგებით, აშშ-ს პრეზიდენტის ორი თვითმფრინავის მშენებლობაში, 660 მილიონი დოლარი დაკარგა.
“Air Force One, დავარქმევ ძალიან უნიკალურ მომენტს, ძალიან უნიკალურ მოლაპარაკებას, რისკების ძალიან უნიკალური ნაკრები, რომელიც Boeing-ს ალბათ არ უნდა წაეღო, მაგრამ ჩვენ იქ ვართ, სადაც ვართ და ვაპირებთ მიწოდებას. შესანიშნავი თვითმფრინავი“, – თქვა კალჰუნმა კომპანიის კვარტალური ანგარიშის პრეზენტაციისას.
ორი Boeing 747-8, რომელიც ოდესღაც რუსული ავიაკომპანია Transaero-თვის იყო განკუთვნილი, გახდება მომავალი “ბორტი ნომერი ერთი” ( Air Force One) . ისინი ამჟამად სან ანტონიოში გადიან მოდერნიზაციას.
Boeing-მა უკვე შექმნა მომავალი Air Force One-ებით ისტორია. 2021 წლის ნოემბერში ინფორმატორმა სასამართლოში განაცხადა, რომ Boeing-მა აშშ-ის პრეზიდენტის ახალ თვითმფრინავზე, Air Force One-ზე მუშაობა გადახდისუუნარო კომპანიას გადასცა, რომელსაც მჭიდრო კავშირი აქვს უცხოურ მთავრობასთან.
