სტოკჰოლმის არლანდას აეროპორტის საკულტო სასტუმრო Jumbo Stay, რომელიც განთავსებულია Boeing 747-ში, დაიხურა და გაკოტრდა. ამ ფონზე მას მოუწია 800 ჯავშნის გაუქმება.
ბოლო ხუთი წლის განმავლობაში, გაზრდილი კონკურენციის გამო სასტუმროს შემოსავალი დაახლოებით 50%-ით შემცირდა: 2019 წლის 8 მილიონი შვედური კრონიდან (~ 793 ათასი აშშ დოლარი) 4 მილიონ შვედურ კრონამდე 2023 წელს (~ 396 ათასი აშშ დოლარი).
მეორეც, აეროპორტის ირგვლივ უამრავი სასტუმროს გახსნის გამო უჩვეულო ობიექტმა კონკურენციას ვერ გაუძლო.
Jumbo-ს დამფუძნებლისა და ოპერატორის თქმით, „ხუთი წლის წინ ჩვენ შეგვეძლო გაგვეყიდა სარეკლამო სივრცე, სადაც დიდი თვითმფრინავია გაჩერებული, შემდეგ კი Swedavia-მ აიღო სარეკლამო გაყიდვები“.
გარდა ამისა, Swedavia-მ განაცხადა, რომ არ აპირებს მიწას იჯარით გაცემას სხვა ოპერატორზე, რადგანაც ეს კიდევ უფრო ართულებს ნებისმიერ გაყიდვას.
როგორც ჩანს, თვითმფრინავს სათადარიგო ნაწილების დემონტაჟი მოეწყობა, რომელიც ალუმინის ჯართის ფასად გაიყიდება.
Jumbo Stay-მა სტუმრების მიღება ჯერ კიდევ 2009 წელს დაიწყო. ის განთავსებულია Boeing 747-200 თვითმფრინავში (რომელიც აშენდა 1976 წელს და ეკუთვნოდა Singapore Airlines-ს) და აქვს სულ 76 საწოლი განაწილებული 33 ოთახში. ზოგიერთი ჰოსტელის სტილისაა, თითოეულში ოთხი საწოლია. სტუმრებს განსაკუთრებით იზიდავდა Jumbo Stay-ს კაბინის ლუქსი.
