ბევრი მოგზაურისთვის აეროპორტის პროცედურები გარკვეულ სტრესთან არის დაკავშირებული. აღნიშნული დასკვნა T-Online-ს კვლევის ფარგლებში დაიდო, რომლის ფარგლებშიც 2255 მოგზაური გამოიკითხა.
გამოკითხვის მონაწილეთა უმეტესობა აეროპორტში ყველაზე დიდ გამაღიზიანებელ ფაქტორად თვლის რეგისტრაციის დროს ხალხმრავლობას. ამრიგად, ტურისტების 32,4%-მა განაცხადა, რომ რეგისტრაციის დახლებთან რიგში დგომა მათ მოთმინების ერთგვარი გამოცდაა, განსაკუთრებით პიკის საათებში.
ფრენის დაგვიანება ასევე იწვევს ბევრი მოგზაურის დიდ იმედგაცრუებას. 21,3% აღიარებს, რომ დაგვიანებული ფრენები „მნიშვნელოვნად ზრდის სტრესის დონეს“. დაგვიანებამ შეიძლება არა მხოლოდ გააფუჭოს მგზავრის განწყობა, არამედ შეაფერხოს დამაკავშირებელი ფრენა, რაც უბრალო უიღბლობას ნამდვილ განსაცდელად აქცევს. ექსპერტების თქმით, გრძელი რიგები ბარგის ჩამოგდებაში, უსაფრთხოების შემოწმების პროცედურები და ჩასხდომა ასევე აწუხებს მოგზაურებს.
სტრესის შესამცირებლად, ექსპერტები მოგზაურებს ურჩევენ აეროპორტში ადრე მივიდნენ, გამოიყენონ ონლაინ რეგისტრაცია და, უპირველეს ყოვლისა, ღრმად ჩაისუნთქონ!
