ბელორუსული ავიაკომპანია Belavia-ი მინსკი-ქუთაისი-მინსკის საჰაერო ხაზზე ზამთრის სანავიგაციო სეზონზეც მოახდენს ოპერირებას. როგორც AviaNews-ს ეკონომიკისა და მდგრადი განვითარების სამინისტროს შპს საქართველოს აეროპორტების გაერთიანებაში განუცხადეს, ზამთრის სანავიგაციო სეზონის განმავლობაში Belavia მინსკსა და ქუთაისს შორის ფრენებს კვირაში 2 სიხშირით განახორციელებს. ავიაკომპანია მინსკი-ქუთაისი-მინსკის საჰაერო ხაზზე რეისებს, Boeing 737-800 ხომალდებით, ყოველ ოთხშაბათს და კვირას შეასრულებს.
აღსანიშნავია, რომ Belavia-მ ქუთაისის საერთაშორისო აეროპორტში ოპერირება მიმდინარე წლის 4 აგვისტოდან დაიწყო და ზაფხულის სანავიგაციო სეზონის განმავლობაშიც მინსკსა და ქუთაისს შორის 2 სიხშირით ოპერირებდა.
ავიაკომპანია ზამთრის სანავიგაციო სეზონის განმავლობაში მინსკიდან რეისებს შეასრულებს ასევე თბილისისა და ბათუმის საერთაშორისო აეროპორტებშიც.
