ForwardKeys-ის მიერ გამოქვეყნებული მონაცემების მიხედვით, ბანგკოკი ყველაზე პოპულარული საზაფხულო ადგილია გრძელვადიანი მოგზაურობისთვის.
TOP 10-ში ასევე მოხვდა ნიუ-იორკი, ბალი, პარიზი, ლოს-ანჯელესი, ლონდონი, დუბაი, ტოკიო, მადრიდი და სან-ფრანცისკო.
დუბაი, რომელიც სიაში მეშვიდე ადგილზეა, არ არის პირველი შემთხვევა, როდესაც ის ზაფხულის ყველაზე პოპულარულ მიმართულებებს შორისაა. Condé Nast Traveler-მა ცოტა ხნის წინ ის დაასახელა რეგიონის ყველაზე თვალწარმტაცი ქალაქად და მეექვსე ყველაზე ლამაზ ქალაქად მსოფლიოში.
ForwardKeys-ის ექსპერტები აცხადებენ, რომ გასული წლის განმავლობაში მეგაპოლისების პოპულარობა ტურისტებს შორის თითქმის გაორმაგდა ტრადიციულ სანაპირო ადგილებთან შედარებით.
„მოგზაურთა პრეფერენციების ეს ცვლილება განპირობებულია აზიის ქალაქების პოსტ-პანდემიის ხელახალი გახსნით, ისევე როგორც გაზრდილი მოთხოვნა გლობალურ სავაჭრო ცენტრებზე, როგორიცაა დუბაი, სინგაპური, პარიზი და ნიუ-იორკი, რაც ქმნის მნიშვნელოვან შესაძლებლობებს საცალო ვაჭრობისთვის“, – განმარტა კომპანიამ.
