რუსული ავიაკომპანიის პირველი სამგზავრო რეისი საქართველოს მიმართულებით თითქმის ოთხწლიანი პაუზის შემდეგ პარასკევს, 19 მაისს პირველად შესრულდება. ამის შესახებ RBC-ს Azimuth Airlines-ის თანამფლობელმა და დირექტორთა საბჭოს თავმჯდომარემ პაველ უდოდმა განუცხადა.
ფრენები მოსკოვსა (ვნუკოვოს აეროპორტი) და თბილისს შორის Superjet-ის თვითმფრინავით განხორციელდება რეგულარულად, ორმხრივი რეისები კვირაში შვიდჯერ, 2023 წლის ოქტომბრის ბოლომდე განხორციელდება. თუმცა ავიაკომპანიის ტოპ მენეჯერი არ გამორიცხავს, რომ ზამთრის განრიგში ცვლილებებია შესაძლებელი, მაგალითად, გამგზავრების დროის მხრივ, „თუმცა, ვფიქრობ, ეს მიმართულება სტაბილური იქნება. ასეა თუ არა ეს, უახლოეს ორ თვეში გაირკვევა“.
რუსეთის საგარეო საქმეთა სამინისტროს ნოტის თანახმად, Azimuth Airlines-ი არის დანიშნული გადამზიდავი მოსკოვი-თბილისის საჰაერო ხაზზე, განაცხადა უდოდმა. საქართველოს ხელისუფლებამ ასევე უზრუნველყო ყველა საჭირო ნებართვა საფრენოსნო პროგრამისთვის და თბილისის აეროპორტმა – სლოტები, საჰაერო ხომალდების სახმელეთო მომსახურეობისთვის ყველა საჭირო კონტრაქტი გაფორმებულია, ხაზგასმით აღნიშნა ტოპ მენეჯერმა.
რა ღირს ავიაბილეთები
ახლა გადამზიდველის ფრენების მინიმალური ფასი მაისში მოსკოვიდან თბილისის მიმართულებით (ერთი მიმართულებით) იწყება 17,458 რუბლიდან, ივნისში – 20,838 რუბლიდან, მითითებულია Azimuth-ის დაჯავშნის სისტემაში. „ფასს ბაზარი განსაზღვრავს. ეს არის ბილეთის საშუალო ფასი, რომელსაც მგზავრი იხდის [მოსკოვიდან ფრენისთვის] საქართველოში ფრენისთვის ერევნის გავლით. ჩვენ ის არ გაგვიზრდია, რადგან პირველი რეისები [თბილისისკენ] მგზავრების მოზიდვას საჭიროებს“, – ამბობს უდოდი.
მისივე თქმით, თბილისის მიმართულებით ბილეთების ფასების ფორმირებსას, კომპანიის სპეციალისტებმა გაითვალისწინეს მოსკოვიდან ერევნის მიმართულებით ავიარეისების Azimuth-ის ბილეთების ღირებულებაც (დღიურად ორი რეისი ვნუკოვოდან). ”ფასი არის 15-20 ათასი რუბლის დიაპაზონში. ეს გამართლებული ფასია [ფრენის ანაზღაურებისთვის]. ჯერჯერობით არაფერი ზებუნებრივი [თბილისის ფასებით] არ გაკეთებულა. შემდეგ ვნახავთ – ჩვენ გამოვეხმაურებით ბაზარს”- თქვა უდოდიმ.
ქართული ავიაკომპანია Georgian Airways 20 მაისიდან რუსეთში ფრენებს აღადგენს. ის ასევე გეგმავს ფრენას თბილისი-მოსკოვის მიმართულებით და უკან კვირაში შვიდჯერ, იტყობინება საქართველოს სამოქალაქო ავიაციის სააგენტო. კომპანიის ვებგვერდზე ჯერ არ არის მითითებული ბილეთების ღირებულება.
როგორია მოთხოვნა
თბილისის მიმართულებით ავიარეისების ბილეთების გაყიდვა „კარგად, აქტიურად მიმდინარეობს, მაგრამ აჟიოტაჟი არ არის“, ამბობს უდოდი. საქართველოში Azimuth-ის რეისებზე სამგზავრო ადგილების დაკავების საშუალო პროცენტი 90%-ს მიაღწევს. ავიაკომპანიას ფლოტში ჰყავს 19 ერთეული Superjet თვითმფრინავი 100-103 მგზავრის ტევადობით, ანუ Azimuth ემზადება ყოველ კვირას მოსკოვსა და თბილისს შორის დაახლოებით 1300 ადამიანის გადასაყვანად.
სამშაბათს დილის მდგომარეობით, 16 მაისს, Azimuth-მა გაყიდა დაახლოებით 40 ბილეთი თბილისის მიმართულებით პირველი რეისისთვის, დაახლოებით 30 ბილეთი თბილისიდან, – აცხადებს უდოდი.
როგორ განხორციელდება თვითმფრინავების მომსახურება?
სლოტების დამტკიცებამდე (აფრენის ან დაფრენის დროის ინტერვალი), Azimuth-მა თბილისის აეროპორტს მიაწოდა დოკუმენტები სახმელეთო მომსახურეობისა და თვითმფრინავების საწვავის შევსების შესახებ. ამავდროულად, Superjet-ის ტექნიკური მომსახურება თბილისის აეროპორტში განხორციელდება Transit Check ფორმის მიხედვით (მომსახურების უმარტივესი ფორმა), რომელსაც ახორციელებენ პილოტები.
”თუ საჭირო იქნება [უფრო შრომატევადი ფორმა], ჩვენ თვითონ მოვემსახირებით თვითმფრინავს,” – თქვა უდოდმა.
ასე რომ, ერევანსა და სტამბოლში, სადაც Azimuth Airlines-ი ყოველდღიურად რამდენიმე რეისს ახორციელებს, კომპანიას აქვს საკუთარი ავტოგასამართი სადგურები. აზერბაიჯანში, უზბეკეთში, ყაზახეთში, ტაჯიკეთში ფრენების შესრულებისას თვითმფრინავში ინჟინერი იმყოფება. „პირველ ეტაპზე ასე იქნება საქართველოს მიმართულებით ფრენებზეც. ეს არის ნორმალური კარგად დამკვიდრებული პრაქტიკა, რომელიც ამართლებს თავის თავს, ”- განმარტა უდოდმა.
როგორია პერსპექტივები
მოსკოვი-თბილისის ფრენების გარდა, Azimuth Airlines-ი დაინტერესებულია ავიარეისების განხორციელებით საქართველოს ქალაქებში ბათუმსა და ქუთაისში, მათ შორის რუსეთის რეგიონებიდან. „ახლა ამაზე მიდის განხილვები, მაგრამ ჩვენ უნდა გავიგოთ, რა რაოდენობის დანიშვნები და ნებართვები იქნება – აქ გადამწყვეტი როლი ტრანსპორტის სამინისტროს და ქართული მხარის მარეგულირებელს ეკისრება. <…> მიმდინარეობს კონსულტაციები“, – ამბობს კომპანიის დირექტორთა საბჭოს ხელმძღვანელი.
თუმცა, საქართველოს აქვს მოთხოვნა, რომ იყოს პარიტეტი სიხშირეების კუთხით: თუ რუსული ავიაკომპანიები ახორციელებენ, მაგალითად, კვირაში 20 რეისს, მაშინ იგივეს გააკეთებენ ქართული კომპანიებიც.
„მაგრამ ქართული კომპანიები არ არიან ისეთი დიდი, როგორც რუსული კომპანიები თვითმფრინავების რაოდენობით. გარდა ამისა, ისინი დაფრინავენ ევროპაში, ხოლო მთელი ფლოტი მხოლოდ რუსეთს მიაწოდონ – მათ არ აქვთ ასეთი შესაძლებლობა ერთდროულად. ამიტომ, ზოგიერთი შემზღუდველი ფაქტორი გავლენას მოახდენს სიხშირეებისა და მიმართულებების რაოდენობაზე [საქართველოში]“, – განმარტა მან.
როგორი იყო ქართულ ბაზარზე შესვლის პროცედურა
საქართველოს ხელისუფლების მიერ Azimuth Airlines-ის დოკუმენტაციის ანალიზი არ განსხვავდებოდა იმ პროცედურებისგან, რომლებიც გადამზიდველმა გაიარა სხვა ქვეყნებში ფრენების დაწყებამდე, ამტკიცებს უდოდი. ქართული მარეგულირებელი მუშაობს ევროპული სტანდარტების მიხედვით, ასე რომ, თუ ავიაკომპანიას აქვს საჰაერო ტრანსპორტის საერთაშორისო ასოციაციის (IATA) ოპერაციული უსაფრთხოების აუდიტის სერტიფიკატი, ეს „მკვეთრად ამარტივებს კონტროლის ყველა პროცედურას“, აღნიშნა ტოპ მენეჯერმა. Azimuth-ის პრესსამსახურის ინფორმაციით, ავიაკომპანიამ ასეთი სერტიფიკატი 2022 წლის თებერვალში მიიღო.
„ვვარაუდობ, რომ იქნება SAFA ინსპექტირების ინტენსიური პროგრამა (Safety Assessment of Foreign Aircraft – შეფასება უცხოური თვითმფრინავების უსაფრთხოების აეროპორტებში). <…> Azimuth არის ახალი გადამზიდავი საქართველოსთვის, ამიტომ, რა თქმა უნდა, დაინტერესდებიან [თვითმფრინავები], მაგრამ ეს ყველგან სტანდარტია. ჩვენ კვლავ წარმატებით გავდივართ მკაცრ შემოწმებებს, მათ შორის ისრაელში. ამიტომ, ჩვენ არ ვღელავთ [საქართველოში ფრენისას]. ჩვენ ვიცავთ IATA-ს სტანდარტებს და ჩვენი ფლოტი ყველაზე ახალგაზრდაა ქვეყანაში“, – თქვა უდოდმა.
