ავიაკომპანიის ქვეკონტრაქტორს ბრალი წაუყენეს ქურდობაში მას შემდეგ, რაც მგზავრებს 16000 დოლარზე მეტი ბარგი გაუჩინარდა.
ოკალოზას ოლქის Sheriff’s office-მა განაცხადა, რომ მამაკაცი, სახელად Giovanni De Luca, დააკავეს 10 აგვისტოს ფლორიდის ჩრდილო-დასავლეთით მდებარე Destin-Fort Walton Beach აეროპორტში ბარგიდან მოპარულ ნივთებთან დაკავშირებით.
ივლისში, ერთმა მოგზაურმა განაცხადა, რომ მისი ბარგი, რომელიც, მისი თქმით, 1600 დოლარზე მეტი ღირდა, არასოდეს მისულა დანიშნულების ადგილზე, განაცხადეს შერიფის ოფისში.
სხვა მოგზაურმა თქვა, რომ 9 აგვისტოს მისი ბარგიდან ამოიღეს 15000 დოლარზე მეტი ღირებულების ნივთები, მათ შორის სამკაულები.
პირველმა სავარაუდო მსხვერპლმა თქვა, რომ Apple Airtag – მა პატარა სათვალთვალო მოწყობილობამ, რომელსაც ბევრი მგზავრი იყენებს ბარგის თვალყურის დევნებისთვის ზაფხულის ქაოსის ფონზე – აჩვენა, რომ მისი ჩანთა ბოლოს მდებარეობდა ოკალოსას ოლქის ქუჩაზე, აეროპორტიდან დაახლოებით 11 მილის დაშორებით.
Sheriff’s office-ში აცხადებენ, რომ მათ შეეძლოთ გაერკვიათ, რომელი აეროპორტის თანამშრომლები ცხოვრობდნენ Airtag-ის ბოლო ლოკაციასთან ახლოს. ამან მიიყვანა ოფიცრები დე ლუკასთან, რომლის სახლშიც იპოვეს ნივთები, რომლებიც დაკარგული იყო 9 აგვისტოს.
მიუხედავად იმისა, რომ ივლისში გაუჩინარებული ჩანთიდან ნივთები არ იქნა ნაპოვნი, დე ლუკამ აღიარა, რომ მან დაათვალიერა ჩემოდანი და ამოიღო Apple Airtag.
აეროპორტს, რომელიც ემსახურებოდა დაახლოებით 265,000 მგზავრს ივლისში, აქვს პირდაპირი შიდა ფრენები Allegiant, American, Delta, Southwest და United.
