თუ ბოლო დროს თვითმფრინავში მგზავრობისას ფეხებისთვის ადგილი თითქმის არ გრჩებათ, შესაძლოა ამის მიზეზი ავიაკომპანიის ახალი სტრატეგია იყოს. The Sun-ის ცნობით, ავიაკომპანიები განზრახ ამცირებენ სკამებს შორის მანძილს ეკონომ-კლასში, რათა მგზავრები უფრო ძვირი ბილეთების ყიდვაზე დაითანხმონ.
მიუხედავად იმისა, რომ ეკონომ-კლასიდან მიღებული შემოსავალი კომპანიებისთვის მნიშვნელოვანია, მათი ძირითადი მოგება უფრო მაღალი კლასის ბილეთებიდან მოდის. სწორედ ამიტომ, როგორც ავიაციის ექსპერტები აღნიშნავენ, ავიაკომპანიები შეგნებულად ქმნიან არაკომფორტულ პირობებს ეკონომ-კლასის სალონებში. მათი მიზანია, მგზავრებმა თავად მოისურვონ დამატებითი თანხის გადახდა, რათა უფრო კომფორტულად იფრინონ.
“ავიაკომპანიები ორიენტირებულნი არიან უფრო მაღალ შემოსავალზე, რომელიც მათ პრემიუმ-კლასის მგზავრებს მოაქვთ,” – ამბობს სეთ მილერი, ამერიკული საავიაციო პორტალის რედაქტორი. – “ამ მიზნით, ისინი ამცირებენ ეკონომ-კლასის ადგილებს და უპირატესობას უფრო კომფორტულ პრემიუმ-კლასს ანიჭებენ.”
ამგვარად, მგზავრებისთვის ნაკლები კომფორტის შექმნით, ავიაკომპანიები არა მხოლოდ ცდილობენ, რომ თვითმფრინავში მეტი ადამიანი მოათავსონ, არამედ იყენებენ ამას, როგორც ბერკეტს, რათა მგზავრები უფრო ძვირიანი მომსახურებით დაინტერესდნენ.
