სახელმწიფო საწარმო Antonov-მა დაიწყო განადგურებული An-225 Mriya გიგანტური თვითმფრინავის ძრავების გამოყენება თავის An-124 Ruslan თვითმფრინავზე.
”სულ An-225 Mriya-ს აქვს ექვსი ძრავა. სამი მათგანი დავაშალეთ და შევაკეთეთ. ორი მათგანი უკვე მუშაობს An-124 თვითმფრინავზე“, – განუცხადა DW-ს Antonov-ის სახელმწიფო საწარმოს გენერალური დირექტორის მოადგილემ მაქსიმ სანოცკიმ.
მისივე თქმით, Antonov-ს ხუთი მომუშავე Ruslan-ი ჰყავს. ახლა ისინი გერმანიის ქალაქ ლაიფციგში არიან ბაზირებულნი.
Mriya-ს ძრავები შეიძლება განთავსდეს Ruslan-ზე, რადგან ორივე თვითმფრინავი იგივე ტიპის D-18T-ს იყენებს.
უკრაინაში რუსეთის შეჭრამდე Mriya An-225-იდან მისი ერთ-ერთი ძრავი An-124-ის გასაძლიერებლად ამოიღეს, რომელიც კომერციულ ფრენას ასრულებდა.
Antonov SE-ის მოქმედების მექანიზმი ითვალისწინებდა ძრავების ბრუნვას თვითმფრინავებს შორის. ისინი ამოიღეს საჰაერო ხომალდებიდან, რომლებთან იმ დროს არ იყენებდნენ და ჩასვეს თვითმფრინავებზე, რომლებსაც ჰქონდათ შეკვეთები საქონლის ტრანსპორტირებისთვის.
