წარსულში, Airbus A380 ცის მეფედ ითვლებოდა და მსოფლიოს ყველაზე დატვირთულ მარშრუტებზე 500-ზე მეტ მგზავრს გადაჰყავდა. მაგრამ მას შემდეგ, რაც მისი წარმოება დასრულდა და ავიაკომპანიები ფლოტებს ამცირებენ, მის ადგილს ახალი გიგანტი – Boeing 777Xიკავებს. უფრო დახვეწილი, მსუბუქი და ორძრავიანი თვითმფრინავი შექმნილია იმისთვის, რომ A380-ის მსგავსი ტევადობა გაცილებით დაბალი საწვავის ხარჯით უზრუნველყოს, რითაც ის მაღალი ტევადობის თვითმფრინავის საჭიროების მქონე გადამზიდავებისთვის მთავარ ჩამნაცვლებლად იქცევა.
777X ოჯახის ფლაგმანი, 777-9, 400-ზე მეტ მგზავრს იტევს და 7,200 საზღვაო მილზე (დაახლოებით 13,300 კმ) შორ მანძილზე ფრენა შეუძლია.
იგი აღჭურვილია რეკორდსმენი GE9X ძრავებით და აქვს დასაკეცი ფრთების წვერები, რაც აეროპორტების ინფრასტრუქტურასთან თავსებადობას უზრუნველყოფს. ეს ავიაკომპანიებს A380-ის მსგავს მასშტაბს ინფრასტრუქტურული პრობლემების გარეშე აძლევს.
- Emirates, რომელიც A380-ის უმსხვილესი ოპერატორია, 205 ერთეული 777X შეუკვეთა.
- მას რიგში მოსდევენ Qatar Airways, Singapore Airlines, Lufthansa და British Airways.
Boeing-ის ახალი ფლაგმანისთვის გზა გლუვი არ ყოფილა. სერტიფიცირების შეფერხებებმა, ძრავის სამაგრების გაბზარვამ და შრომითმა დავებმა მისი ექსპლუატაციაში შესვლა 2026 წლამდეგადადო. თვითმფრინავის გაშვების პირველი მომხმარებელი Lufthansa იქნება.
მიუხედავად შეფერხებებისა, ავიაკომპანიებისთვის ლოდინი ღირს: 777X „სუპერჯამბოს“ მასშტაბს უფრო ეფექტურ შეფუთვაში გვთავაზობს. ათწლეულების განმავლობაში პირველად, A380-ის გვირგვინი შესუსტებას იწყებს.
