მოგზაურთა მზარდი ნაკადის ფონზე, მსოფლიოს აეროპორტები რთული ტექნოლოგიური კვანძებიდან ადამიანზე ორიენტირებულ, ჭკვიან სივრცეებად გარდაიქმნება. მიზანი მარტივია: მგზავრებს დაეხმაროს, დროულად და მინიმალური სტრესით მიაღწიონ თვითმფრინავამდე.
თანამედროვე ტექნოლოგიები, უსაფრთხოების გაუმჯობესებასთან ერთად, ქმნის უწყვეტ და კომფორტულ გამოცდილებას.
წარმოგიდგენთ 10 ძირითად მიმართულებას, რომლითაც აეროპორტები მგზავრთა გამოცდილებას ავითარებენ:
ტექნოლოგიური სიჩქარე და უსაფრთხოება
- ავტომატიზირებული უსაფრთხოების ხაზები: შემოდის ავტომატიზირებული სკრინინგის ხაზები, რომლებიც ამცირებს საცობებს უსაფრთხოების შემოწმების პუნქტებში. ეს ტექნოლოგია ეხმარება თანამშრომლებს საეჭვო ნივთების იდენტიფიცირებაში.
- ბიომეტრიული იდენტიფიკაცია: სახის ამოცნობა და თითის ანაბეჭდის სკანერებიაჩქარებს შემოწმებისა და ჩასხდომის პროცედურებს, რაც ამოწმებს მგზავრის ვინაობას პასპორტის მონაცემებზე დაყრდნობით.
- RLTS (რეალურ დროში ლოკაციის სისტემები): პერსონალს შეუძლია RLTS-ის მეშვეობით აკონტროლოს მგზავრთა გადაადგილება უსაფრთხოების ზონიდან გეითამდე. ეს აადვილებს დატვირთული დროის მართვას და საშუალებას აძლევს თანამშრომლებს, დაეხმარონ დაგვიანებულ ან გზააბნეულ მგზავრებს.
- ჭკვიანი ბარგის სერვისები: RFID-ტრეკინგი და კომპიუტერული ხედვა უზრუნველყოფს ბარგის სწრაფ დახარისხებას და მგზავრებისთვის ადგილმდებარეობის შესახებ ინფორმაციის მიწოდებას, რაც აჩქარებს თვითმფრინავის მომზადებას შემდეგი რეისისთვის.
- ელექტრო ტრანსპორტი და შატლები: აეროპორტები (მაგალითად, ლონდონის ჰითროუ) დიზელის ავტობუსებს უნაცვლებენ ელექტრო ან ჰიბრიდული ფლოტით, რაც ხელს უწყობს მდგრადობას და ამცირებს გამონაბოლქვს.
- ციფრული გზამკვლევი სისტემები: საინფორმაციო კიოსკები და ციფრული ნიშნები აჩვენებს ფრენის სტატუსს, გეითის ცვლილებებს და ამინდს. სისტემას შეუძლია მგზავრის ბილეთის მიხედვით შესთავაზოს უსწრაფესი მარშრუტი, ან მიიყვანოს პირველი კლასის ლაუნჯებამდე.
- ნავიგაციის აპლიკაციები: მგზავრებს ტელეფონებზე შეუძლიათ წვდომა ჰქონდეთ ინტერაქტიულ რუკებზე, რაც „ლაბირინთად“ ქცეულ დიდ აეროპორტებში გადაადგილებას ამარტივებს. აპლიკაციები ასევე მიუთითებს აუცილებელ სერვისებზე, როგორიცაა საპირფარეშო ან მშობელთა ზონა.
- დამტენი სადგურები და Wi-Fi: ტექნოლოგიური სერვისების სრულად გამოყენებისთვის, აეროპორტები ქმნიან სპეციალურ ზონებს მოწყობილობების დამუხტვისა და მაღალსიჩქარიანი Wi-Fi-სთვის, რაც მგზავრებს მობილურობის შენარჩუნებაში ეხმარება.
- ჭკვიანი საპირფარეშოები: ჰიგიენისა და სერვისის უზრუნველსაყოფად, აეროპორტებში ინერგება „ჭკვიანი საპირფარეშოები“. ფილადელფიის აეროპორტის მსგავსად, ეს სისტემები რეალურ დროში აკონტროლებს სისუფთავეს და ატყობინებს პერსონალს, როდის არის საჭირო ზონის მომსახურება.
- ველნეს ზონები: მოგზაურობით გამოწვეული სტრესის შესამცირებლად, აეროპორტები ქმნიან დასასვენებელ ზონებს. ეს მოიცავს მასაჟის სკამებს, იოგას სივრცეებს და მედიტაციის ოთახებს, რაც მგზავრებს ეხმარება მენტალური სიმშვიდის შენარჩუნებაში.
ეს ინოვაციები მიზნად ისახავს, მოგზაურობის ყველა ეტაპი იყოს უფრო კომფორტული, ნაკლებად დაძაბული და მეტი ხელმისაწვდომობით უზრუნველყოფილი.
