როგორც ინფორმირებული წყაროები იუწყებიან, Airbus-ი დიდი ალბათობით მოუგებს Boeing-ს flydubai-ის უმსხვილესი თვითმფრინავების შეკვეთის დიდ ნაწილს დუბაის ავიაციის გამოფენაზე (Dubai Airshow). ეს იქნება პირველი შემთხვევა, როდესაც ევროპული მწარმოებელი შეძლებს Boeing-ის დომინირების დარღვევას ამ სწრაფად მზარდ დაბალბიუჯეტიან ავიაკომპანიაში.
ევროპული თვითმფრინავების მწარმოებელი ახლოსაა გარიგებასთან, რომლის ფარგლებშიც დაახლოებით 100 ერთეულ A321neo ტიპის თვითმფრინავს მიჰყიდის flydubai-ს. ამასთან, flydubai აგრძელებს მოლაპარაკებებს Boeing-თან რამდენიმე ათეული 737 MAX-ის შეკვეთაზე, აღნიშნეს წყაროებმა.
Airbus-ის წილი ამ გარიგებაში შეიძლება 100 თვითმფრინავს გადააჭარბოს, თუმცა საბოლოო გადანაწილება დამოკიდებულია მოლაპარაკებებზე, რომლებიც ინდუსტრიის სამიტის (17-21 ნოემბერი) ბოლომდე გაგრძელდება.
Airbus-ისთვის ეს შეკვეთა უმნიშვნელოვანესი გამარჯვებაა, რადგან ის პირველად შედის Boeing-ის ერთ-ერთი წამყვანი გლობალური მომხმარებლის ფლოტში. აქამდე flydubai მხოლოდ Boeing-ის თვითმფრინავებს ყიდულობდა.
წყაროების ცნობით, მიუხედავად “Airbus”-ის დიდი შეკვეთისა, “flydubai”-ს ფლოტი წინა შეკვეთების გათვალისწინებით, დაახლოებით დაბალანსებული დარჩება. “flydubai”-ს ამჟამად 175 ერთეული MAX ჰყავს ფლოტში ან შეკვეთილი, ასევე 30 ერთეული დიდი ზომის Boeing 787.
“flydubai”-ის გეგმები: ავიაკომპანიამ ადრე განაცხადა, რომ აპირებდა თავისი ისტორიაში უმსხვილესი თვითმფრინავების შეკვეთის განთავსებას, რაც 2017 წელს შეკვეთილ 175 MAX-ზე მეტ თვითმფრინავს გულისხმობს. მოლაპარაკებების შედეგად, ოფციების ჩათვლით, “flydubai”-მ შეიძლება ასობით ახალ თვითმფრინავზე მოიპოვოს წვდომა.
