რუსეთის საავიაციო ინდუსტრიის კოლაფსმა Aeroflot-ი აიძულა ფულის დაზოგვის ორდინალური გზები მოეძებნა. Aeroflot-ის ბორტგამცილებლებს დაევალათ თურქეთის მიმართულებით ფრენების დროს ტუალეტის ქაღალდის მკაცრი აღრიცხვა. გაუხარჯავი რულონები უნდა დაბრუნდეს.
განიხილება ყველა ქაღალდის პროდუქტი: ტუალეტის ქაღალდი, ხელსახოცები და ქაღალდის პირსახოცები. ეკიპაჟის წევრებმა მიიღეს ბრძანება 3-დან 10 ივნისამდე მსგავსი ზომების სატესტო რეჟიმში შემოღების შესახებ. პრაქტიკა ასევე შეიძლება მუდმივადაც დაინერგოს.
ბორტგამცილებლებმა ყურადღებით უნდა ადევნონ თვალი ბორტზე არსებულ მასალებს და შეავსონ ის მხოლოდ მისი მოხმარებისას. დამატებითი რულონები არასოდეს უნდა დარჩეს ხელმისაწვდომ ადგილებში, რათა მგზავრებმა შემთხვევით არ მიაღწიონ მასთან. დაშვების შემდეგ, ყველა გამოუყენებელი სახარჯო მასალა უნდა იყოს დათვლილი, დალუქული და დაბრუნებული.
ადრე ბორტზე მყოფი თანამშრომლები არ აკონტროლებდნენ ქაღალდის რაოდენობას. ისინი იღებდნენ ქაღალდის ნაწარმს და რწმუნდებოდნენ, რომ ისინი უხვად იყო. მაგრამ კრიზისმა ყველაფერი შეცვალა.
ავიაკომპანიის გადაწყვეტილების მიზეზები მკაცრად ეკონომიკურია. სახელმწიფო დუმამ უკვე იწინასწარმეტყველა ფასების ზრდა ქაღალდის სანიტარულ საქონელზე – ტუალეტის ქაღალდზე და პირსახოცებზე. საქონელი შეიძლება გაძვირდეს 10-15%-ით.
