მოგზაურობისას ხშირად ვფოკუსირდებით იმაზე, თუ რა ჩავალაგოთ ჩემოდანში, თუმცა იშვიათად ვფიქრობთ იმაზე, არის თუ არა ესა თუ ის ნივთი ლეგალური დანიშნულების ქვეყანაში. Esquire გვთავაზობს 4 კატეგორიას, რომლებმაც შესაძლოა დიდი ჯარიმები ან ციხეც კი გამოიწვიოს.
1. ელექტრონული სიგარეტები (Vapes)
თუ ევროპასა და აშშ-ში ვეიპინგი ჩვეულებრივი მოვლენაა, ზოგიერთ ქვეყანაში ეს მკაცრად ისჯება.
ტაილანდი – აქ ელექტრონული სიგარეტის იმპორტი და გამოყენება აკრძალულია. დარღვევისთვის შესაძლოა დაგეკისროთ დიდი ჯარიმა ან 10 წლამდე თავისუფლების აღკვეთა.
სინგაპური – ვეიპის ფლობაც კი კანონდარღვევაა და მკაცრად კონტროლდება აეროპორტებში.
2. გარკვეული მედიკამენტები
ის, რაც თქვენს ქვეყანაში ურეცეპტოდ გაიცემა, სხვაგან შესაძლოა ნარკოტიკულ ნივთიერებად ჩაითვალოს.
იაპონია – მკაცრად კრძალავს მედიკამენტებს, რომლებიც შეიცავს ფსევდოეფედრინს (ხშირად გვხვდება გრიპის საწინააღმდეგო წამლებში).
საბერძნეთი და არაბთა გაერთიანებული საამიროები – კოდეინის შემცველი ტკივილგამაყუჩებლები (მაგ. პენტალგინი) შესაძლოა პრობლემური გახდეს რეცეპტის გარეშე.
3. სექს-სათამაშოები
ბევრ კონსერვატიულ ქვეყანაში ამ ნივთების შეტანა აკრძალულია „უხამსობის“ შესახებ კანონების გამო.
მალდივები, საუდის არაბეთი და ვიეტნამი – საბაჟოზე მსგავსი ნივთების აღმოჩენისას მათ ჩამოგართმევენ, ხოლო ზოგიერთ შემთხვევაში შესაძლოა ადმინისტრაციული სასჯელიც დაგეკისროთ.
4. პლასტმასის პარკები
ეკოლოგიური რეგულაციები ზოგიერთ ქვეყანაში იმდენად მკაცრია, რომ ჩვეულებრივი პლასტმასის პარკის ქონაც კი დანაშაულია.
კენია და ტანზანია – ამ ქვეყნებში პლასტმასის პარკების გამოყენება, წარმოება ან იმპორტი აკრძალულია. აეროპორტში ჩასვლისას, თუ თქვენი ნივთები მსგავს პარკებში გაქვთ შეფუთული, შესაძლოა აიძულონ მათი გადაყრა, ხოლო ადგილობრივ ბაზარზე მათი გამოყენებისთვის ჯარიმები საკმაოდ მაღალია.
