კანადური CAE-ის თანახმად, 2032 წლისთვის საავიაციო ინდუსტრიას 1,3 მილიონი სპეციალისტი დასჭირდება. აქედან დაახლოებით 1,18 მილიონი თანამშრომელი კომერციული ავიაციის სეგმენტზე იქნება, ხოლო 106 ათასი ადამიანი ბიზნეს ავიაციაზე. ამდენი ნიჭია საჭირო იმ ვაკანსიების შესავსებად, რომლებიც წარმოიქმნება არსებული პილოტების პენსიაზე გასვლის, პერსონალის შემცირების და პანდემიის დროს საავიაციო ინდუსტრიის ზრდის შედეგად, – ამის შესახებ ნათქვამია 2023 წლის Aviation Talent Forecast-ის მოხსენებაში.
გლობალური საავიაციო ინდუსტრია აწყდება მუშახელის დეფიციტს ყველა სფეროში – მფრინავიდან ბარგის გამტარებლამდე, ბილეთების აგენტებამდე, ბორტგამცილებელთა და თვითმფრინავის მექანიკოსებამდე.
ახალი პერსონალის დაქირავება საკმაოდ ნელი იყო სამოგზაურო მოთხოვნის აღდგენის ტემპთან შედარებით. საავიაციო ინდუსტრიის ბევრი პროფესიონალი გაათავისუფლეს პანდემიის დროს და გადამზადდა, ვიღაც გადავიდა უფრო მოქნილ სამუშაო ვარიანტებზე.
საჰაერო ტრანსპორტის საერთაშორისო ასოციაცია ელოდება, რომ მგზავრთნაკადი 2019 წლის დონეს მიაღწევს 2024 წელს, ჯერ ჩრდილოეთ ამერიკაში 2023 წელს, შემდეგ ევროპაში, ლათინურ ამერიკასა და ახლო აღმოსავლეთში 2024 წელს. აფრიკისა და აზია-წყნარი ოკეანის რეგიონის აღდგენა 2025 წელს მოხდება.
მომდევნო 10 წლის განმავლობაში, სამოქალაქო ავიაციის ინდუსტრიას მთლიანობაში დასჭირდება 284,000 ახალი პილოტი, 402,000 ახალი ტექნიკოსი და 599,000 ბორტგამცილებელი, რადგანაც ექსპლუატაციაში მყოფი თვითმფრინავების რაოდენობა იზრდება.
ეს პროგნოზი ემთხვევა Boeing-ის შეხედულებას სამუშაოზე მოთხოვნაზე. თვითმფრინავების მწარმოებლის თქმით, საერთაშორისო ავიაციას დასჭირდება დაახლოებით 2,3 მილიონი ახალი თანამშრომელი მომდევნო 20 წლის განმავლობაში, გლობალური მოთხოვნის 13% ტალანტებზე ახლო აღმოსავლეთიდან და აფრიკიდან მოდის.
Boeing-ის ცნობით, პენსიაზე გასული პერსონალის ჩასანაცვლებლად და ინდუსტრიის ზრდის მხარდასაჭერად, ავიაკომპანიები მთელ მსოფლიოში დახარჯავს დაახლოებით 200 მილიონ დოლარს პერსონალის მომზადებაზე მომდევნო ორი ათწლეულის განმავლობაში.
