გამოცემა Islands-მა გამოაქვეყნა 2026 წლისთვის ყველაზე ხელმისაწვდომი და ბიუჯეტური სამოგზაურო მიმართულებების სია. სტატია ეყრდნობა ფრენების ღირებულების, ყოველდღიური ხარჯებისა და ადგილობრივი ფასების ანალიზს.
გთავაზობთ 10 საუკეთესო მიმართულებას:
1. ეგვიპტე (Egypt)
ისტორიული საოცრებების ქვეყანა, სადაც ჰოსტელში ღამე მხოლოდ 2 დოლარიდან იწყება, ხოლო ბიუჯეტური სასტუმრო – 25 დოლარიდან. ქუჩის საკვები ძალიან იაფია (დაახლოებით 2-5$), ხოლო კაიროსა და ლუქსორის 5-დღიანი აბონემენტი ისტორიულ ძეგლებზე 200 დოლარამდე ღირს.
2. ინდოეთი (India)
ინდოეთში დღიური ბიუჯეტი შეიძლება 20 დოლარზე ნაკლებიც იყოს. 50 დოლარად კი უკვე საკმაოდ კარგ სასტუმროებში ცხოვრება და რესტორნებში კვებაა შესაძლებელი. აქ მთავარია ვაჭრობის ხელოვნება, რაც ფასებს საგრძნობლად ამცირებს.
3. მექსიკა (Mexico)
მიუხედავად ფასების ზრდისა, მექსიკა კვლავ რჩება ხელმისაწვდომი. ორი ადამიანის ერთკვირიანი დასვენება (კვება, სასტუმრო, გართობა) საშუალოდ 700 დოლარამდე ჯდება. ივლისი-აგვისტო საუკეთესო დროა იაფი ავიაბილეთების დასაჯავშნად.
4. მაროკო (Morocco)
ბიუჯეტური მოგზაურებისთვის დღიური ხარჯი დაახლოებით 35 დოლარია. მაროკოს ეფექტური ავტობუსების სისტემა ქვეყნის შიგნით გადაადგილებას ძალიან აიაფებს. ბევრი სანახაობა (მაგ. მედინები, ბაზრები) სრულიად უფასოა.
5. ნეპალი (Nepal)
იდეალურია ლაშქრობის მოყვარულთათვის. მთებში ლაშქრობისას დღიური ხარჯი (ღამისთევა და კვება) მხოლოდ 15 დოლარია. საუკეთესო დროა მარტი-აპრილი, როცა ხალხმრავლობა ნაკლებია და ფასებიც დაბალია.
6. კოლუმბია (Colombia)
სამხრეთ ამერიკის ერთ-ერთი ყველაზე იაფი ქვეყანა. დღიური ხარჯი (ოთახის გაზიარებით) დაახლოებით 19 დოლარია. სამჯერადი კვება საშუალოდ 8 დოლარი ჯდება. ქვეყნის შიგნით ფრენები ხშირად ავტობუსზე იაფია.
7. ვიეტნამი (Vietnam)
მსოფლიოში ერთ-ერთი ყველაზე იაფი ქვეყანა საკვების მხრივ. ტრადიციული წვნიანი “ფო” (Pho) მხოლოდ 1-2 დოლარი ღირს. დღიური ბიუჯეტი 25 დოლარის ფარგლებშია.
8. გვატემალა (Guatemala)
მექსიკის მეზობელი, რომელიც მასზე ბევრად იაფია. ქუჩის საკვები და ადგილობრივი სასადილოები დღეში 10 დოლარზე ნაკლები ჯდება. მუზეუმებისა და ყავის ტურების ბილეთები იშვიათად აჭარბებს 10 დოლარს.
9. ეკვადორი (Ecuador)
თუ არ ჩავთვლით გალაპაგოსის კუნძულებს, ეკვადორის დათვალიერება დღეში 29 დოლარადაა შესაძლებელი. აქ ნახავთ ამაზონის ტყეებს, ვულკანებსა და კოლონიურ არქიტექტურას ძალიან დაბალ ფასად.
10. ფილიპინები (Philippines)
7,000-ზე მეტი კუნძული, სადაც დღიური ბიუჯეტი საშუალოდ 29 დოლარია. კუნძულებს შორის გადასაადგილებლად ბორნების გამოყენება ხარჯებს მნიშვნელოვნად ამცირებს.
