ქართული ავიაკომპანია Georgian Airways-ი თელ ავივის მიმართულებით რეისების განახლების შესახებ აცხადებს. ავიაკომპანიის ინფორმაციით, 11 აპრილიდან თბილისი-თელ ავივი-თბილისის საჰაერო ხაზზე Georgian Airways-ი ოპერირებას კვირაში 2 სიხშირით მოახდენს.
“მოხარული ვართ განვაცხადოთ, რომ 11 აპრილიდან, კვირაში ორჯერ განვახორციელებთ თელ ავივის მიმართულებით ფრენას: ყოველ ხუთშაბათს და კვირას! იმ მგზავრებს, რომელთაც უკვე ჰქონდათ ბილეთები სხვა დღეებში, შევთავაზებთ ახალ არსებულ თარიღებს და სხვა დანარჩენს კი შეეძლებათ ბილეთების დაჯავშნა. ახალი ბილეთებისათვის, ეწვიეთ ჩვენს ოფიციალურ ვებ-გვერდს ან გაყიდვების ოფისებს! ბილეთის შეძენამდე გთხოვთ, მიიღოთ ყველა შესაბამისი რეგულაცია წარმომადგენლობით საკონსულოებში ან საგარეო საქმეთა სამინისტროში! მოუთმენლად გელოდებით ბორტზე”, აღნიშნულია ავიაკომპანიის განცხადებაში.
